എം കെ എം ഹയര്‍ സെക്കന്ററി സ്കൂളിലെ എന്‍ എസ് എസ് വിദ്യാര്‍ഥികള്‍ "കൃക്ഷി കൂട്ടം " പദ്ധതിയുടെ ഭാഗമായി കാരൂര്‍ പാടശേഖരത്തില്‍ നെല്‍കൃക്ഷിയിറക്കി.'ആഗോള ജൈവ വൈവിധ്യ' വര്‍ഷാചരണ പരിപാടിയുടെ ഭാഗമായി 'എന്റെ ഗ്രാമം ജൈവ ഗ്രാമം ' എന്ന പേരില്‍ പുത്തന്‍ തലമുറയ്ക്ക് അന്യമായി കൊണ്ടിരിക്കുന്ന പരമ്പരാഗതമായ കാര്‍ക്ഷിക പ്രവത്തനങ്ങളെ പരിചയപ്പെടുത്തുന്ന ഹയര്‍ സെക്കന്ററി എന്‍ എസ് എസ് - ന്‍റെ പരിപാടിയാണ് "കൃക്ഷി കൂട്ടം " പദ്ധതി.ഉഴുത പാടത്ത് വിദ്യാര്‍ഥികള്‍ പുല്ലുകള്‍ നീക്കി വരമ്പുകള്‍ വച്ച് പൂര്‍ണ്ണമായും കൃക്ഷിക്കായി ഒരുക്കിയെടുത്തു. പാടശേഖരണ സമിതിയുടെ സഹകരണത്തോടെ IRI 5 ഇനത്തില്‍പ്പെട്ട നെല്‍ വിത്താണ് വിതച്ചിരിക്കുന്നത്. കൃക്ഷിക്കായി 6 പറ പാടമാണ്‌ എന്‍ എസ് എസ് യൂണിറ്റ് പാട്ടത്തിനെടുത്തിരിക്കുന്നത്.
