ലോക പരിസ്ഥിതി ദിനത്തോടുബന്ധിച്ച് പാമ്പാക്കുട ബ്ളോക്ക് പഞ്ചായത്തിന്റെയും, എറണാകുളം ജില്ലാ ശുചിത്വമിഷന്റെയും സംയുക്താഭിമുഖ്യത്തില് പിറവത്ത് പരിസ്ഥിതി ദി സന്ദേശ വിളംബര ഘോഷയാത്ര നടന്നു. പിറവം എം.കെ.എം ഹയര് സെക്കന്ററി സ്കൂളിന്റെ നേതൃത്വത്തില് നടന്ന ഘോഷയാത്രയില് 1200 ഓളം കുട്ടികള് അണിനിരന്നു. പരിസ്ഥിതി സംരക്ഷണ പ്രതിജ്ഞയ്ക്കുശേഷം പ്രകൃതി വസ്തുക്കള് ചേര്ത്തുണ്ടാക്കിയ നിലവിളക്കിലെ മണ്ചിരാതുകളില് ദീപം പകര്ന്നതിന് ശേഷം ആണ് കുട്ടികള് റാലിയില് പങ്കെടുത്തത്. പരിസ്ഥിതിയെ ദുര്ബലപ്പെടുത്തുന്ന നിര്മ്മാണ പ്രവര്ത്തങ്ങള് ചെറുത്തു തോല്പ്പിക്കുന്നതിനുള്ള ആഹ്വാനങ്ങള് അടങ്ങിയ പ്ളാക്കാര്ഡുകളും, ശുചിത്വ സന്ദേശങ്ങളുള്ള ബലൂണുകളും അവര് കൈയ്യിലേന്തിയിരുന്നു. ബ്ളോക്ക് പഞ്ചായത്ത് പ്രസിഡന്റ് ഐഷാ മാധവ് റാലി ഫ്ളാഗ് ഓഫ് ചെയ്തു. ബ്ളോക്ക് സെക്രട്ടറി ടി.ബി.ബീരാന്കുഞ്ഞ്, ബി.ഡി.ഒ കുര്യാക്കോസ്, പ്രിന്സിപ്പല് എ.എ ഓനാന്കുഞ്ഞ്, ഹെഡ്മാസ്റര് കെ.വി ബാബു, പിറവം സബ് ഇന്സ്പെക്ടര് പി.ജെ നോബിള് എന്നിവര് സംബന്ധിച്ചു.
