എം.കെ.എം. ഹയര്‍ സെക്കന്ററി സ്കൂള്‍ ഏറ്റവും മികച്ച എന്‍.എസ്.എസ്. യുണിറ്റ്.
പിറവം: 2008 - 2011 വര്‍ഷത്തെ പ്രവര്‍ത്തനങ്ങളുടെ അടിസ്ഥാനത്തില്‍ എറണാകുളം ജില്ലയിലെ ഏറ്റവും മികച്ച എന്‍.എസ്.എസ്. യുണിറ്റായി എം.കെ.എം. ഹയര്‍ സെക്കന്ററി സ്കൂളിനെ സംസ്ഥാന ഹയര്‍ സെക്കന്ററി വിദ്യാഭ്യാസ വകുപ്പ് തിരഞ്ഞെടുത്തു. എന്‍.എസ്.എസ്. പ്രവര്‍ത്തനങ്ങള്‍ക്കു നേതൃത്വം നല്‍കിയ പൊളിറ്റിക്കല്‍ സയന്‍സ് അദ്ധ്യാപകന്‍ ശ്രീ. ബെന്നി വി. വര്‍ഗീസിനെ ജില്ലയിലെ ഏറ്റവും മികച്ച പ്രോഗ്രാം ഓഫീസര്‍ ആയും തിരഞ്ഞെടുത്തു.
തിരുവനതപുരം കോട്ടണ്‍ ഹില്‍സ് ഹയര്‍ സെക്കന്ററി സ്കൂളില്‍ നടന്ന ചടങ്ങില്‍ വിദ്യാഭ്യാസ മന്ത്രി ശ്രീ. അബ്ദു റബ്ബ്, ഹയര്‍ സെക്കന്ററി ഡയറക്ടര്‍ ശ്രീ. മുഹമ്മദ്‌ സഹീര്‍ I.A.S. എന്നിവര്‍ അവാര്‍ഡുകള്‍ വിതരണം ചെയ്തു. പ്രിന്‍സിപ്പാള്‍ ശ്രീ. ഒനാന്‍കുഞ്ഞ് എ.എ., ബെന്നി വി. വര്‍ഗീസ്‌, വിദ്യാര്‍ഥി പ്രതിനിധികളായ ആഷ് ലി ജോയി, റോഹന്‍ മാത്യു എന്നിവര്‍ പുരസ്ക്കാരങ്ങള്‍ ഏറ്റുവാങ്ങി. അനവധി സാമൂഹിക, ആരോഗ്യ, പരിസ്ഥിതി പ്രവര്‍ത്തനങ്ങള്‍ ഏറ്റെടുത്തു നടത്തിയ എന്‍.എസ്.എസ്. യുണിറ്റിന് മറ്റ് പല അംഗീകാരങ്ങളും കിട്ടിയിട്ടുണ്ട്. സൃഷ്ടിപരമായ പ്രവര്‍ത്തനങ്ങളുടെ അടിസ്ഥാനത്തില്‍ എന്‍.എസ്.എസ്. സംസ്ഥാന സെല്ലിന്റെ പ്രത്യേക പരാമര്‍ശവും നേടിയിട്ടുണ്ട്.
No comments:
Post a Comment
നിങ്ങളുടെ അഭിപ്രായങ്ങള്‍ ഇവിടെ പോസ്റ്റ്‌ ചെയ്യുക.