Tuesday, May 31, 2011

പ്ലസ് ടു ഫലത്തില്‍ വ്യാപകമായ പിശക് .പിഴവ് ഗ്രേസ് മാര്‍ക്ക് ചേര്‍ത്തതില്‍

Mathrubhumi
തിരുവനന്തപുരം: സംസ്ഥാനത്തെ ഹയര്‍ സെക്കന്‍ഡറി പരീക്ഷാ ഫലത്തില്‍ വ്യാപകമായ രീതിയില്‍ പിശക് വന്നു. ഇതേത്തുടര്‍ന്ന് ഫലം പ്രസിദ്ധീകരിച്ചിരുന്ന സൈറ്റില്‍ നിന്ന് വിദ്യാഭ്യാസ വകുപ്പ് അത് പിന്‍വലിച്ചു. 6388 വിദ്യാര്‍ഥികളുടെ മാര്‍ക്കുകള്‍ക്ക് നേരത്തെ പ്രഖ്യാപിച്ചതില്‍ നിന്ന് മാറ്റം വന്നിട്ടുണ്ടെന്നാണ് കണ്ടെത്തിയത്. ഏറെയും സയന്‍സ് വിഷയങ്ങളിലുള്ളവരുടെ മാര്‍ക്കുകള്‍ക്കാണ് വ്യത്യാസം. സന്ധ്യയോടെ തകരാര്‍ പരിഹരിച്ചു. ഇവര്‍ക്ക് മുമ്പ് അറിയിച്ചിരുന്ന മാര്‍ക്കുതന്നെ നല്‍കി.

ഗ്രേസ് മാര്‍ക്കും മോഡറേഷനും നല്‍കിയതിലെ പിഴവാണ് മറ്റ് കുട്ടികളുടെയും മാര്‍ക്കുകളില്‍ മാറ്റം വരാന്‍ കാരണമെന്നാണ് കരുതുന്നത്. ഗ്രേസ് മാര്‍ക്കും മോഡറേഷനും തെറ്റായി നല്‍കിയതും അവ നല്‍കിയപ്പോള്‍ സാങ്കേതിക പിഴവുമൂലം മറ്റ് കുട്ടികളുടെ മാര്‍ക്കുകളിലും മാറ്റം വന്നതുമാണ് പ്രശ്‌നമായത്. സ്‌പോര്‍ട്‌സ്, കലാമികവ്, എന്‍.സി.സി. തുടങ്ങിയ നിരവധി പാഠ്യേതര കാര്യങ്ങള്‍ക്ക് ഗ്രേസ് മാര്‍ക്ക് നല്‍കാറുണ്ട്.
ബയോളജി ഗ്രൂപ്പ് പഠിച്ചവരില്‍ ഗ്രേസ് മാര്‍ക്കിന് അര്‍ഹതയുള്ള 2165 പേരാണുള്ളത്. ഇവര്‍ക്ക് സുവോളജി, ബോട്ടണി വിഷയങ്ങള്‍ക്കായാണ് ഗ്രേസ് മാര്‍ക്ക് നല്‍കിയത്. എന്നാല്‍ ഇതിനായി കമ്പ്യൂട്ടറില്‍ നല്‍കിയ നിര്‍ദേശത്തില്‍ വന്ന പിഴവ് വിനയായി. മറ്റ് കുട്ടികളുടെ മാര്‍ക്കുകളിലും മാര്‍ക്ക് കൂടാന്‍ ഇതിടയാക്കി. ആയിരത്തോളം കുട്ടികളുടെ ഫലം തടഞ്ഞുവെച്ചിരുന്നു. അവയും പരിഷ്‌കരിച്ച് പ്രസിദ്ധീകരിക്കും. മോഡറേഷനായി ഒമ്പത് മാര്‍ക്ക് വിജയിക്കാനായി നല്‍കിയിരുന്നു. ഇത് നല്‍കിയതിലും തെറ്റുകള്‍ വന്നെന്നാണ് നിഗമനം.
മോഡറേഷനിലും ഗ്രേസ് മാര്‍ക്കിലും വന്ന മാറ്റം തിരുത്താന്‍ ശ്രമിക്കുമ്പോഴാണ് കൂടുതല്‍ പിഴവ് വന്നത്. ജയിച്ച പല കുട്ടികളും തോറ്റതായി സൈറ്റില്‍ വന്നത് ആകെ ആശയക്കുഴപ്പത്തിനിടയാക്കി. തിങ്കളാഴ്ച അര്‍ദ്ധരാത്രിയോടെ www.dhsekerala.gov.in എന്ന സൈറ്റില്‍ റിസള്‍ട്ട് മോഡിഫൈഡ് എന്ന ശീര്‍ഷകത്തിലാണ് ഫലം മാറിയ വിവരം പ്രസിദ്ധീകരിച്ചത്. സൈറ്റ് നോക്കിയപ്പോള്‍ പലരും മാര്‍ക്ക് കുറഞ്ഞതുകണ്ട് അങ്കലാപ്പിലായി. എന്തുകാരണംകൊണ്ടാണ് മാര്‍ക്ക് കുറഞ്ഞതെന്ന് വിശദീകരിക്കാന്‍ അധികൃതര്‍ക്ക് കഴിഞ്ഞില്ല.
ഫോണ്‍ വിളികള്‍ കൂടിയതോടെ അധികൃതര്‍ സൈറ്റില്‍ നിന്ന് ഫലം പിന്‍വലിച്ചു. മുഖ്യമന്ത്രി പ്രശ്‌നത്തില്‍ ഇടപെട്ട് ചൊവ്വാഴ്ച ഉച്ചയ്ക്കകം തകരാര്‍ പരിഹരിക്കാന്‍ നിര്‍ദേശം നല്‍കി. ഹയര്‍ സെക്കന്‍ഡറി ഡയറക്ടറുടെ ചുമതല വഹിക്കുന്ന ഡി.പി.ഐയോട് ചീഫ് സെക്രട്ടറി റിപ്പോര്‍ട്ട് ആവശ്യപ്പെട്ടു. എന്‍.ഐ.സിയെയാണ് ഹയര്‍സെക്കന്‍ഡറിയുടെ ഫലം കമ്പ്യൂട്ടര്‍വത്കരിച്ച് പ്രസിദ്ധപ്പെടുത്താന്‍ ചുമതലപ്പെടുത്തിയിരുന്നത്.

Monday, May 23, 2011

ഗുല്‍മോഹര്‍ പൂവണിഞ്ഞപ്പോള്‍ ...

ഹയര്‍ സെക്കന്ററി സ്കൂള്‍ മുറ്റത്തെ  ഗുല്‍മോഹര്‍ പൂവണിഞ്ഞപ്പോള്‍

Friday, May 20, 2011

എം കെ എം ഹയര്‍ സെക്കന്ററി സ്കൂളില്‍ പ്ലസ്‌ ടു പരീക്ഷയ്ക്ക് 96.30 ശതമാനം വിജയം

       എം കെ എം ഹയര്‍ സെക്കന്ററി സ്കൂളില്‍ പ്ലസ്‌ ടു പരീക്ഷയ്ക്ക് ഉന്നത വിജയം. പരീക്ഷയെഴുതിയ   243 കുട്ടികളില്‍  234  കുട്ടികളും  വിജയിച്ചു. 
(96.30 ശതമാനം വിജയം) 7 കുട്ടികള്‍ക്ക് എല്ലാ വിഷയത്തിനും എ പ്ലസ്‌ ലഭിച്ചു.

    തിരുവനന്തപുരം: സംസ്ഥാനത്തെ പ്ലസ് ടു പരീക്ഷയുടെ ഫലം പ്രസിദ്ധീകരിച്ചു. 82.25 ശതമാനം വിദ്യാര്‍ഥികളാണ് ഉന്നത പഠനത്തിന് അര്‍ഹത നേടിയത്. 87.02 ശതമാനം പെണ്‍കുട്ടികളും 76.61 ശതമാനം ആണ്‍കുട്ടികളും ഉന്നത പഠനത്തിന് അര്‍ഹരായി. 74.93 ആയിരുന്നു കഴിഞ്ഞ വര്‍ഷത്തെ മൊത്തം വിജയശതമാനം.
    ടെക്‌നിക്കല്‍ സ്‌കൂള്‍ വിഭാഗത്തില്‍ 76.52 ശതമാനം പേരും ആര്‍ട്‌സ്‌കൂള്‍ വിഭാഗത്തില്‍ 84.75 ശതമാനം പേരും ഓപ്പണ്‍ സ്‌കൂള്‍ വിഭാഗത്തില്‍ 36.72 ശതമാനം പേരും ഉന്നത പഠനത്തിന് അര്‍ഹരായി.

    വനം, വന്യജീവി പഠന ക്യാമ്പുമായി എം.കെ.എമ്മിലെ കുട്ടികള്‍ ഇടുക്കി വനാന്തരത്തില്‍


    പിറവം: പിറവം എം.കെ.എം. ഹയര്‍ സെക്കന്‍ഡറി സ്‌കൂളിലെ നാഷണല്‍ സര്‍വീസ് സ്‌കീം വിദ്യാര്‍ഥികള്‍ പ്രകൃതിയെ അടുത്തറിയാന്‍ ഇടുക്കി വന്യജീവി സങ്കേതത്തില്‍ നടത്തിയ മൂന്നു ദിവസത്തെ ക്യാമ്പ്‌ പഠന ക്യാമ്പ് കുട്ടികള്‍ക്ക് പുത്തന്‍ അറിവ് പകര്‍ന്നു.ഇടുക്കി ജലവൈദ്യുത പദ്ധതിയുടെ ഭാഗമായ ഡാമുകള്‍ക്കരികിലുള്ള നിബിഡ വനപ്രദേശമാണ് വന്യ ജീവിസങ്കേതമായി സംരക്ഷിക്കുന്നത്. ആന കാട്ടുപോത്ത്, വിവിധയിനം കുരങ്ങുകള്‍ തുടങ്ങി ധാരാളം ജീവികള്‍ ഇവിടെയുണ്ട്.
    കാടറിയാന്‍ കണ്ണും കാതും തുറന്നു ആകാംഷയോടെ നടന്നു നീങ്ങിയ  വിദ്യാര്‍ ത്ഥികള്‍ക്ക് മുന്നില്‍ കാടിന് കൂടുതല്‍ കനം വച്ചു.അഗാധതയില്‍ നിന്നുയര്‍ന്ന് നില്‍ക്കുന്ന വന്‍മരങ്ങളും അവയ്ക്കിടയില്‍ മലമുകളിലെ മഹാസമുദ്രം പോലെ വിസ്തൃതമായ ഇടുക്കി ഡാമിന്റെ റിസര്‍വോയറും. വന്യജീവികളുടെ ആവാസകേന്ദ്രമായ നിബിഡവനമേഖലയും കുട്ടികള്‍ മതിവരുവോളം കണ്ട് ആസ്വദിച്ചു. ആയിരക്കണക്കിന് പച്ചമരുന്നുകള്‍ ഉള്‍പ്പെടുന്ന ജൈവസമ്പത്തിന്റെ കലവറ, പശ്ചിമഘട്ടത്തിന്റെ തെക്കേ അറ്റത്തുള്ള ഇടുക്കി വന്ന്യജീവി സങ്കേതം സാഹസികതയുടെ പുതിയ അനുഭവങ്ങള്‍ കുട്ടികള്‍ക്ക് പകര്‍ന്നു നല്‍കി. വനാന്തരയാത്രയില്‍ നിന്നും കിട്ടിയ അറിവുകള്‍ കുട്ടികള്‍ക്ക് താങ്കളുടെ ചുറ്റുപാട് കളെക്കുറിച്ച് പുതിയ ദിശാബോധം നല്‍കി. ക്യാമ്പിന്റെ ഭാഗമായി ഡോക്യുമെന്ററി പ്രദര്‍ശനവും ക്ലാസ്സുകളും നടന്നു. ഇടുക്കി വൈല്‍ഡ് ലൈഫ് വാര്‍ഡന്‍ സാബി വര്‍ഗീസ്‌, റെഞ്ചര്‍ കെ.എ.വര്‍ഗീസ്‌, പ്രിന്‍സിപ്പല്‍ എ.എ.ഓനാന്‍കുഞ്ഞ്, എന്‍എസ്എസ് പ്രോഗ്രാം ഓഫീസര്‍ ബെന്നി വി. വര്‍ഗീസ്, അധ്യാപകനായ സിജി എബ്രഹാം, എം.ജെ.പൗലോസ്  വിദ്യാര്‍ഥിപ്രതിനിധികളായ അക്ഷയ് കെ.പി, റിതിന്‍ രാജ്, ജില്‍സ് ജോര്‍ജ്, ആനന്തു.റ്റി.ജി, ജോഷി വര്‍ഗീസ്‌, അലോക് തോമസ്, റിച്ചാര്‍ഡ്‌ രാജു എന്നിവര്‍  തുടങ്ങിയവര്‍ ക്യാമ്പിനു നേതൃത്വം നല്‍കി.

    Wednesday, May 18, 2011

    തിരസ്കാരം (ഹ്രസ്വ ചിത്രം )

    എം കെ എം ഹയര്‍ സെക്കന്ററി സ്കൂളിലെ 2009 -2011 സയന്‍സ്  മലയാളം വിഭാഗം കുട്ടികള്‍ നിര്‍മിച്ച ഹ്രസ്വ ചിത്രം. നാഗരിക ജീവിതത്തിന്റെ ദോഷവശങ്ങള്‍ മനസിലാക്കി തരുന്ന ചിത്രത്തിന്‍റെ കഥ, തിരകഥ, സംഭാഷണം, ഗാന രചന, സംഗീതം, തുടങ്ങി മറ്റു സാങ്കേതിക പ്രവര്‍ത്തനങ്ങളും കുട്ടികളാണ് ചെയ്തത്. പ്രിന്‍സിപ്പാള്‍ ശ്രീ എ.എ ഓനാന്‍കുഞ്ഞ്, മലയാളം അദ്ധ്യാപകന്‍ ശ്രീ ഷാജി വര്‍ഗീസ് പട്ടകുന്നേല്‍ എന്നിവര്‍ നേതൃത്വം നല്‍കി.
    ഗാനരചന : എല്‍ദോമോന്‍
    സംഗീതം : ജോമോന്‍ ജോണ്‍
    ആലാപനം : ആതിര നന്ദകുമാര്‍
    സ്ക്രിപ്റ്റ് & സംഭാഷണം: അമല എല്‍ദോ,
    അഷിത അന്ന സാജു
    ഡയറക്ടര്‍ : റോണി സൈമണ്‍.

    Friday, May 6, 2011

    കൊയ്ത്തുത്സവം

    എം കെ എം ഹയര്‍ സ്കൂളിലെ എന്‍ എസ് എസ് വിദ്യാര്‍ഥികള്‍ "കൃഷികൂട്ടം പദ്ധതിയുടെ ഭാഗമായി നടത്തിയ നെല്‍കൃഷിയുടെ വിളവെടുപ്പ് നടത്തി. കൊയ്ത്തു പാട്ടുമായി പാടത്തിറങ്ങിയ വിദ്യാര്‍ഥികള്‍ തങ്ങളുടെ കൃഷിയുടെ വിളവെടുപ്പ് കൊയ്ത്തുല്സവമാക്കി മാറ്റി. "ആഗോള ജൈവ വൈവിധ്യവര്‍ഷത്തിന്റെ ഭാഗമായി "എന്റെ ഗ്രാമം ജൈവഗ്രാമം " എന്നാ പേരില്‍ പുത്തന്‍തലമുറക്ക്‌ അന്ന്യമായികൊണ്ടിരിക്കുന്ന പരമ്പരാഗതമായ കാര്‍ഷിക പ്രവര്‍ത്തനങ്ങളെ പരിചയപ്പെടുത്തുന്ന ഹയര്‍ സെക്കന്ററി എന്‍ എസ് എസ് ന്‍റെ പരിപാടിയാണ് "കൃഷികൂട്ടം പദ്ധതി".സ്പെഷ്യല്‍ ക്യാമ്പിന്റെ ഭാഗമായി പാടശേഖര സമിതിയുടെ സഹകരണത്തോടെ IRI 5 ഇനത്തില്‍ പെട്ട വിത്താണ് വിദ്യാര്‍ഥികള്‍ വിതച്ചത്. കാലാവസ്ഥ വ്യതിയാനത്തിന്റെ ഫലമായി ബുദ്ധിമുട്ടുകള്‍ ഉണ്ടായെങ്കിലും വിദ്യാര്‍ത്ഥികള്‍ക്ക് നൂറുമേനി വിളവു തന്നെ ലഭിച്ചു. വെള്ളം തിരിക്കാനും,കലാപരിക്കാനും,വലം തൂകുവാനും വിദ്യാര്‍ഥികള്‍ തന്നെയിറങ്ങി. പാടശേഖര സമിതിയുടെയും പഞ്ചായത്തിന്റെയും പൂര്‍ണ്ണ സഹകരണം ഉണ്ടായിരുന്നു. 
    നെല്‍കൃഷിയുടെ മഹത്വം സാര്‍വത്രികമാക്കുന്നതിനും പരമ്പരാഗതമായ നമ്മുടെ കാര്‍ഷിക സംസ്കാരത്തില്‍ പുതു തലമുറയ്ക്ക് താല്പര്യം ഉണ്ടാക്കുന്നതിനുമാണ് വിദ്യാര്‍ഥികള്‍ നെല്‍കൃഷിയിറക്കി മാതൃകയാക്കിയത്. കൊയ്ത്തുല്സവത്തിന്റെ ഉദ്ഘാടനം മണീട് പഞ്ചായത്ത് അംഗം ശ്യാമ വി ദേവരാജ് നിര്‍വഹിച്ചു. പ്രിന്‍സിപ്പാള്‍ എ.എ ഓനന്‍കുഞ്ഞു, എന്‍ എസ് എസ് പ്രോഗ്രാം ഓഫീസര്‍ ബെന്നി വി വര്‍ഗീസ്, പാടശേഖരസമിതി ഭാരവാഹികളായ കുമാരന്‍, തോമസ്‌,മോഹനന്‍, വിദ്യാര്‍ഥി പ്രതിനിധികളായ റിതിന്‍ രാജ്, ജിന്‍സ് ജോര്‍ജ്,അക്ഷയ് കെ പി , ഐശ്വര്യ വേണുഗോപാല്‍,അഞ്ജു അശോകന്‍,എന്നിവര്‍ നേതൃത്വം നല്‍കി.

    Monday, May 2, 2011

    പത്താം ക്ലാസ്സിലെ പുതിയ പാഠപുസ്തകങ്ങള്‍ എല്ലാം ഓണ്‍ലൈനില്‍ ...

    ഈ വര്‍ഷം പത്താം ക്ലാസ്സിലെ ഐ .ടി ഒഴികെ മറ്റെല്ലാ പാഠപുസ്തകങ്ങളും മാറുകയാണല്ലോ. അധ്യാപകര്‍ ഇന്റര്‍നെറ്റില്‍ പാഠപുസ്തകങ്ങള്‍ അന്വേഷിക്കുകയാണ്. എസ്.ഇ.ആര്‍.ടി.സൈറ്റില്‍ എല്ലാ പുസ്ത കങ്ങളും ഇപ്പോള്‍ പ്രസിദ്ധീകരിച്ചിരിക്കയാ ണ്.ജൂണ്‍ മാസം തുടങ്ങുമ്പോഴേക്കും പുതിയ പുസ്തകങ്ങള്‍ ലഭിക്കു ന്നതില്‍ എല്ലാ അധ്യാപകരും വിദ്യാര്‍ഥികളും വളരെ ആശ്വാസ ത്തിലാ യിരിക്കും. താഴെ നിന്നുമുള്ള ലിങ്കുകള്‍ തുറന്നു പുസ്ത കങ്ങള്‍സ്വന്തമാക്കാം. ആദ്യ ഘട്ടത്തില്‍ ഭാഷാ സയന്‍സ് പുസ്തകങ്ങളുടെ മലയാളം മീഡിയത്തിലുള്ള പി .ഡി . എഫുകളാണ് ലഭിക്കുന്നത്. മറ്റു മീഡിയത്തിലുള്ള പുസ്തകങ്ങള്‍ വൈകാതെ തന്നെ എസ്സ് .ഇ . ആര്‍ ടി ലഭ്യമാക്കുമെന്ന് പ്രതീക്ഷിക്കാം. എസ്.ഇ.ആര്‍.ടി ക്കും സി ഡിറ്റിനും അഭിനന്ദനങ്ങള്‍.
    പുസ്തകത്തിനായി താഴെ ലിങ്കുകളില്‍ ക്ലിക്ക് ചെയ്യുക. 
    മലയാളം എ .ടി
    മലയാളം ബി .ടി
    ഇംഗ്ലീഷ് ഭാഗം 1
    ഇംഗ്ലീഷ് ഭാഗം 2
    ഹിന്ദി റീഡര്‍

    സയന്‍സ് I മലയാളം  ആമുഖം: | 01 | 02 | 03 | 04 | 05 | 06 | 07 | 08

    സയന്‍സ് II മലയാളം  ആമുഖം| 09 | 10 | 11 | 12 | 13 | 14 | 15 | 16
    ബയോളജി  : ആമുഖം | 01 | 02 | 03 | 04 | 05 | 06 | 07 | 08
    സോഷ്യല്‍ സയന്‍സ്  : Social Science_I_Mal | Amugham | 01 | 02 | 0304 | 05 | 06 | 07 | 08 | 09 | 10 | 11 | 12
    മാക്സ്  - Part-I : Cover | Aamugam | 01 | 02 | 03 | 04 | 05 | 06
    മാക്സ്  - Part-II : Glossary | Aamugam | 07 | 08_1 | 08_2 | 09 | 10 | 11

    പരീക്ഷാഫലം ഇന്റര്‍നെറ്റില്‍ .

    എം കെ എം ഹയര്‍ സെക്കന്ററി സ്കൂളിലെ 5 മുതല്‍ 9 വരെ ക്ലാസ്സുകളിലെ പരീക്ഷ ഫലം പ്രസിദ്ധീകരിച്ചിരിക്കുന്നു.

    പരീക്ഷ ഫലം സ്കൂള്‍ ബ്ലോഗിലും ലഭ്യമാണ്. കേരളത്തില്‍ ആദ്യമായാവും ഒരു പക്ഷെ ഒരു പൊതു വിദ്യാലയം പരീക്ഷാ റിസള്‍ട്ട് നെറ്റിലൂടെ പുറത്ത് വിടുന്നത്.


    Sunday, May 1, 2011

    എസ്.എസ്.എല്‍.സി പരീക്ഷ -എം കെ എം ഹൈസ്കൂളിനു 99.29% വിജയം.

    ചിത്രത്തില്‍ ക്ലിക്ക് ചെയ്താല്‍ വലുതായി കാണാം. 
    പിറവം: എം കെ എം ഹൈസ്കൂളില്‍  282 കുട്ടികള്‍ എസ്.എസ്.എല്‍.സി പരീക്ഷ എഴുതിയതില്‍ 280 കുട്ടികളും വിജയിച്ചു. 6 കുട്ടികള്‍ക്ക് എല്ലാവിഷയത്തിനും എ പ്ലസ്‌  ലഭിച്ചു. 5 കുട്ടികള്‍ക്ക് ഒരു വിഷയത്തിനൊഴികെ എല്ലാ വിഷയങ്ങള്‍ക്കും എ പ്ലസ്‌ ലഭിച്ചു. തുടര്‍ച്ചയായി മുവാറ്റുപുഴ വിദ്യാഭ്യാസ ജില്ലയില്‍ ഏറ്റവും കൂടുതല്‍ കുട്ടികളെ വിജയിപ്പിക്കുന്ന സ്കൂളാണ് എം കെ എം ഹയര്‍ സെക്കന്ററി സ്കൂള്‍. 

    കമന്റുകള്‍

    മലയാളം ടൈപ്പിംഗ്

    മംഗ്ലീഷില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക.
    ടൈപ്പ് ചെയ്ത ശേഷം അവ കോപ്പി ചെയ്ത് കമെന്റ് ബോക്സിലോ മെയില്‍ ബോക്സിലോ നിങ്ങള്‍ ആഗ്രഹിക്കുന്ന സ്ഥലത്ത് പോസ്റ്റ്‌ ചെയ്യുക.

    NSS CAMP - Silent Valey National Park

    ജനപ്രിയ പോസ്റ്റുകള്‍‌