എം കെ എം ഹയര്‍ സെക്കന്ററി സ്കൂളിലെ എന്‍ എസ് എസ് യൂണിറ്റിന്റെ വാര്‍ഷിക ക്യാമ്പിനോടനുബന്ധിച്ചു സംസ്ഥാനതല പരിപാടിയുടെ ഭാഗമായി എന്‍ എസ് എസ് അംഗങ്ങള്‍ പൊതുജനങ്ങള്‍ക്കായി ബോഡി മാസ്സ് ഇന്‍ടക്സ് (BMI ) നിര്‍ണ്ണയം നടത്തി.ആധുനിക മനുഷ്യന്‍ നേരിടുന്ന ഏറ്റവും രൂക്ഷമായ ആരോഗ്യ പ്രശ്നമായ "ജീവിതശീല രോഗങ്ങള്‍" തിരിച്ചരിയുന്നതിനായിരുന്നു പരിപാടി. പിറവം CHC യുടെ സഹകരണത്തോടെ നടത്തിയ ക്യാമ്പില്‍ മൂന്നു ബൂത്തുകള്‍ ക്രമീകരിച്ചിരുന്നു. 'BMI കാര്‍ഡും', 'ആരോഗ്യത്തിലേക്കു ഈ വഴി ' എന്ന ലഘു ലേഖയും വിതരണം ചെയ്തു. CHC സൂപ്രണ്ട് ഡോ നസീമ നജീബ്, പി ടി എ പ്രസിഡണ്ട്‌ ശ്രീ എം ഒ വര്‍ഗീസ്‌, പ്രിന്‍സിപ്പാള്‍ ശ്രീ എ എ ഓനന്‍കുഞ്ഞു , എന്‍ എസ് എസേ പ്രോഗ്രാം ഓഫീസര്‍ ശ്രീ ബെന്നി വി വര്‍ഗീസ്‌,ശ്രീ ഷാജി വര്‍ഗീസ്‌ എന്നിവര്‍ നേതൃത്വം നല്കി.
No comments:
Post a Comment
നിങ്ങളുടെ അഭിപ്രായങ്ങള്‍ ഇവിടെ പോസ്റ്റ്‌ ചെയ്യുക.